DREUCHDAN BÀNA

Tha Theatre Gu Leòr a’ fàs agus tha sinn a’ sireadh dà neach-obrach ùr airson taic a chuir ri na h-amasan agus na pròiseactan againn.

Tha sinn a’ trusadh:

• Stiùiriche Strabang! (Tèatar Òigridh Nàiseanta na Gàidhlig a th’air a ruith le Theatre Gu Leòr)

• Neach-taic Riochdachaidhean

Tha an sgioba againn taiceil agus sùbailte; bidh an obair againn ag atharrachadh bho latha gu latha agus tha sinn a’ cuideachadh càch a chèile leis a h-uile rud. Mar sin, tha sinn airson cluinntinn bho farsaingeachd de dhaoine ge bith dè na sgilean a th’ aca neo na h-obraichean a tha iad air dèanamh roimhe. Thèid dleastanasan, uairean agus cumhaichean nan dreuchdan a chruthachadh timcheall air an dithis tagraiche soirbheachail.

Thèid trèanadh agus stiùireadh a thoirt do na tagraichean soirbheachail. ’S e an rud as cudromaiche dhuinne a bhith a’ lorg daoine a tha misneachail nan cuid Gàidhlig le ùidh sna h-ealain agus ann an tèatar, a tha deònach ceistean fhaighneachd agus sgilean ùra ionnsachadh.

Tuarastal:

£27,500-£30,000 FTE, a reir eòlas

Sochairean eile:

30 làithean-saora pàighte gach bliadhna, sgeama pennseinn dreuchdail, sgeama Bike2Work, cothroman a bhith a’ faicinn tèatar agus tachartasan ealain eile

Uairean-obrach:

Làn-ùine neo pàirt-ùine, ri aontachadh leis gach tagraiche soirbheachail

Àite-obrach:

Àite sam bith ann an Alba, le siubhal an lùib an obair